Manipur: Police khan para duata UNLF mamber dure she, aro ekta KCP operative ke be

Imphal, March 1, 2026: Manipur police para United National Liberation Front (UNLF-Koirang faction) laga duata member ke dure she, extortion kurea karne Imphal East district te, February 28 te. Tai jun ke Wangkhei Ayangpali te para dure she, kunto Porompat police station laga betor te ahea. Tai jun laga nam toh Asem Nongpoknganba Meitei ase, tai toh 32 sal ase, alak laga nam toh Thangjam Gandhi Meitei ase, tai toh 27 sal ase koi she. Tai jun laga hath te para ekta pistol, duata magazine, aro 16 gule, ekta mobile phone pai she koi she. Aro utu din te he, alak ekta operation kurea homoi, police khan para kangleipak Communist Party (KCP- Nongdrenkhomba faction) laga ekta member ke dure she koi she Imphal West district te para. Durea laga nam toh Laishram Monish Singh ase, tai toh 23 sal ase. Tai laga ghor kunto Khagempali Pankha Nganapi Thong Mamang te ase, tateh para he dure she. Tai laga hath te para ekta mobile phone pai she operation kurea homoi. Investigation khan etia be ja ase koi she.