Imphal, June 22, 2026: June 19 din te. Manipur Police khan para duita drug bika manu ke durishe koishe. Aru yete taikhan laga haat para 540 grams laga Heroin drugs paishe koishe. Etu ke Brown Sugar bi koi. Etu operation toh Thoubal District te kurishe.
Etu durea manu toh MM Mustakim (24) aru Md Itiyaz Ahmad (18) ase koishe. Tai duijun bi Kakching District laga Irong Chesaba Mayai Leikai para ase koishe. Tai duijun ke Leishangthem Khong Manung para durishe koishe.
Police khan parabi Maruti Suzuki gari durishe koishe. Tai duijun toh etu gari para drugs khan bhak kuribole chulai thakhishe koishe. Tai duijun ke jail te loijai kina. Aru Investigation khan kuribole ase koishe.
Etu eki din laga alak operation te. Security khan para 288 SP Capsules durishe koishe. Etu tooh Md Sajid Khan (28) laga ghor para. Etu toh Thoubal District laga Lilong Leihaokhong te ase koishe.
