New Delhi, March 27, 2025: Manipur laga State Police khan para 10.565 kilograms laga Heroin Powder toh paishe koishe, aru etu toh R 21 Crore nishina ase koishe International Market te. Etu operation toh Imphal para Dimapur ja laga National Highway -2 para kurishe, yete taikhan 3da Drugs bika manu durihse koishe,aru Couple bi ase koishe.
Yete Drug loijai laga khobor pai kina, Sekmai Police khan Superintendent of Police , Imphal West laga bitor te, taikhan Sekami Station Gate te operation kurishe. Yete team khan para duita Gari ke rukhaishe koishe, Bolero aru Tata Harrier ke. Bolero laga Driver toh KP Jacob ase, aru tai toh Senapati District laga Maiba Bosti para ase koishe, aru tai toh janai dishe ki, tai toh drugs bukhea ase koikina.
Aru bisarea homoi te, Police khan para 461 sabun laga dab ate Heroin Powder toh paishe koishe, Bolero laga upor te lokai kina.
Aru Tata Harrier Gari laga Driver , M Joshou aru tai laga Maiki J Vasti bi etu operation te thakhishe koishe. Aru taikhan Joshou laga khobor para loi kina alak Bolero kebi durishe koishe, Imphal West District laga Emoinu Leirak, Paomei Colony para. Yete aru 419 sabun laga daba te Heroin Drugs toh paishe koishe.
Add Comment