Manipur: Police khan para KCP laga ekta member ke dure she Imphal East te

Imphal, March 22, 2026: Manipur laga police para KCP (PWG) laga ekta member ke dure she, Imphal East district te operation kurea homoi March 20 te. Durea laga nam toh Koijam Boby Meitei ase, tai toh 47 sal ase, aro tai toh Kongba Laishram Leikai te buhea koi she. Tai ke Irilbung Police station laga betor te para dure she. Tai laga hath te para ekta mobile phone paishe koi she. Aro alak ekta operation te utu din te he, secuirty forces khan para bunduk khan pai she Phayeng Mamang Leikai te, kunto Lamsang police station laga betor te ahea Imphal West district te. Etu operation te secuirty forces khan ekta 32 pistol pai she, charta stun shells, eight tear smoke shells aro beshe kagos, daries aro regoster books khan. Chavangphai te alak ekta operation kurea homoi, bea dawai aro puisa khan pai she. 13.4 kg laga crystal methamphetamine pai she, aro Rs 2 lakh pai she ekta ghor te. Officials khan para koi she ki, tai khan etu operation khan toh extortion khan rokhabole aro bea dawai trafficking khan rokha bole karne state te.