Imphal, May 7, 2025: Manipur Police khan Security Forces khan logote mili kina. State te Operation kurishe koishe. Yete damkidea khan aru Criminal Tarika kurea khan ke rukhabole.
Yete ja duita din te. Police khan alak alak Districts te Pasta Militants ke arrest kurishe koishe.
May 6 din te. KYKL Group member – Yumhaibam Nanao Singh (27) ke durishe koishe. Aru Chingakham Norenkumar Singh (28) kebi. Taikhan ke Imphal East District laga Andro Khuman Hill te durishe koishe. Duijun laga haat para mobile phones paishe koishe.
Aru etu eki din te. Police khan para Khangembam Joyson Meitei (28) ke arrest kurishe koishe. Tai toh KCP laga group member ase koishe. Tai toh Imphal jaga te, Education Schools khan te Damki dikina Poisa mangi thakhishe koishe. Yete tai laga haat para Bike aru Mobile Phone durishe koishe.
Thoubal District tebi. RPF/PLA laga Group member. Laishram Basanta Singh (53) ke arrest kurishe Yairipok Bazar te. Tai laga haat para Mobile ohine aru 2 sim card paishe. Aru May 5 din tebi. KCP laga Group member Elangbam Jogen Singh (43) ke arrest kurishe. Tai laga hhat para Mobile phone, 2 sim aru Aadhaar Card paishe koishe.
Add Comment