Imphal, August 15, 2025: Manipur Police aru Security Forces khan para khobor khan pai kina Operation kurishe koishe. Yete bisarea laga aru jaga khan bi domination kurishe koishe. Etu toh Alak alak districts khan te kuri kina Militants khan kebi durishe koishe.
August 13 din te. Police khan para Thokchom Premjit Singh (23) ke durishe koishe. Tai toh Khumbong Laingam Khul para ase koishe. Aru tai toh KCP laga Group member ase koishe. Taike tai nijor laga ghor para durishe koishe Imphal West te. Yete Mangea laga letter aru mobile phone paishe koishe.
Etu laga eki din te. Thangal Bazaar te alak operation kurishe koishe. Aru UNLF laga Member ke arrest kurishe koishe. Tai toh Sairem Saxena Meitei (33) ase koishe. Tai toh Khurai Puthiba Leikai para ase koishe. Tai toh Public manu khan pistol dikhai kina damki di thakhishe koishe. Yete Pistol, Guli, Holster, pistol laga License, Mobile phone aru bag bi paishe koishe.
August 14 din te. Security khan para Hidam Aboy Singh (30) ke arrest kurishe koishe. Tai toh Nongren Mayai Leikai para ase koishe. Tai toh KCP laga Group member ase. Aru taike Tairenpokpi Makha Leikai para durishe koishe. Tai toh Manu khan ke damki di thakhishe koishe.
Add Comment