Manipur Police para 2kg laga Opium Drugs durishe. Mudu bi Durishe

Imphal, April 17, 2026: Manipur Police khan para alak alak Districts khan te operation kurishe koishe. Yete para taikhan ekta manu ke arrest kurishe koishe. Aru tai laga haat para 2kg laga Opium drugs bi paishe koishe. Etu upor te Mudu khan bi bishi durishe koishe. Yete gari chor hoa lagate bi manu 6 ke arrest kurishe.
April 15 din te. Police khan para Micheal Abonmei (29) ke arrest kurishe koishe. Tai toh Tamenglong District laga Aling Khundong Khunkhaiba te thakhea manu ase koishe. Aru taike Imphal West District laga Sekmai Nongthonban para durishe koishe. Tai laga haat para 2 kg laga Opium drugs toh paishe koishe. Yete Police khan investigation kurea ase koishe.
Aru alak operation te. Police khan para Indian Made Foreign Liquor (IMFL) mudu aru DIC mufu khan bi paishe koishe. Etu toh Imphal West District laga alak alak jaga para paishe koishe. Yete durea laga mudu khan toh IMFL laga 750ml bottles, Charta 350 ml bottles, 6 beer bottles aru 130 DIC mudu laga bottles khan paishe koishe.
Aru April 13 din te. Manipur Police khan para 6 duita chaka thakhea laga gari aru ekta gari Maruti Suzuki Alto ke rukhaihe koishe. Etu toh Kakching District laga Pallel CDO Check Post te ase koishe. Etu gari khan toh sob chor kurea laga khan ase koishe. Aru yete taikhan para choita manu nishina ke arrest kurishe koishe.