Imphal, October 25, 2025: October 24 din te. Manipur Police khan para 3da Districts pura te operation kurishe koishe. Yete taikan para alak alak group laga members khan ke durishe koishe. Taikhan laga haat para hatiar aru Documents khan bi paishe koishe.
Churachandpur District te taikhan para 18 saal Haominthang Hoakip ke durishe koishe. Tai toh UKNA laga group para ase koishe. Taike nijor laga ghor para durishe Old Gelmoul te. Authorities khan tai laga haat para Pistol te duita guli thakhi kina paishe oishe. Aru Mobile phone aru Aadhaar card bi paishe koishe.
Kakching District te. Police para 23 saal Salam Sushil Singh ke arrest kurishe. Tai toh KCP laga Group member ase koishe. Taike tai nijor laga ghor para durishe koishe. Etu toh Kakching Wairi Bamon pareng locality te ase koishe. Tai laga haat para mobile Phone, Aadhaar card aru PAN Card paishe koishe.
Aru Imphal West District te. Security khan para 42 saal Shamjetsabam Sanjit Singh ke arrest kurishe. Tai toh RPF/PLA laga group member ase koishe. Tai laga haat para Mobile phonepaishe koishe. Taike Sangaithel Makha Leikai para durishe koishe.
Add Comment