Imphal, October 23, 2024: Wednesday din te Manipur laga Police khan para 6 manu nishina ke durishe koishe, Kangleipak Communist Party (Manu khan laga Larai group) nachulabole laga kapara chulai kina, Imphal laga East District te. Etu manu khan toh general public, firms aru government khan laga haat para damki dikina poisa khan magi thakhishe aru illegal banduk hatiar laga kam khan bi kuri thakhishe. Security Forces khan bi alak alak duita jaga para banduk hatiar bi durishe koishe.
PTI laga report hisab te, Yete etu khan durea homoi te, Security Forces khan para 4-wheeler gari wapas paishe, duita 2-wheeler bike, six mobile phones aru poisa total Rs 3,88,950 nishina paishe koishe etu manu khan laga haat para.
Churachandpur District te Local manu para banduk banailaga duita, duita electric detonators, ekta 9mm pistol magazine thakhi kina aru 3da haat laga grenade paishe. Aru lamzang laga Jongol pahar Bongball bosti laga osor te, Security Forces khanpara .303 rifle, single-barrel (12mm) SHOTGUN paishe.
Add Comment