Imphal, March 20, 2025: March 19 din te, Manipur Police khan para operation kuri kina, taikhan 7 Militants alak alak organization para ahea laga ke arrest kurishe koishe. Aru Hatiar banduk aru Guli khan bi paishe koishe.
Bishnupur District te, Authorities khan para 3da manu ke durishe, aru Khumukcham Ibomcha Singh toh KCP laga active member kebi durishe, aru tai toh 47 saal ase, aru tai logote Yumnam Premkumar Singh (42) aru Yumnam Anandkumar Singh (36) ke arrest kurishe koishe, duijun bi Churachandpur laga Thingkangphai Bosti para ase koishe.
Officials khan para M-20 Pistol aru Magazine, guli aru kotha kuribole parea laga 3da Baofeng Wireless sets paishe.
Aru Bishnupur District laga alak operation te, Police khan para Socialist Revolutionary Party (SOREPA) laga active member, Salam Brojen Singh ke arrest kurishe koishe, tai toh 47 saal ase. Singh bi KCP khan logote kaam kuri thakhishe, aru taike Kumbi Police Station laga Bitor Sandangkhong para durishe koishe. Yete Police khan para report kurishe ki, tai toh Government Officials, SOREPA laga 8 mangea laga letters aru 38 schools laga nam bi ase. taikhan ke damki dikina poisa mangi thakhishe koishe.
Aru Boder Pillar 76 laga osor tebi operation kurishe Tengnoupal District te, aru Security Forces khan para duita Militants ke durishe koishe, Laishram Tomba Singh (27) toh PREPAK (Pro) group para ase, aru alak walatoh Yumnam Roshan Meitei (33) toh KYKL laga group para ase koishe. Etu operation para taikhan Light Machine Banduk, AK – 56 Rifle, 300 guli, Kotha kuribole para laga saman aru Military Gear khan bi paishe koishe.
Add Comment