Manipur Police Para 80% Nishina Banduk Hatiar Wapas Loishe

Ukhrul, October 6, 2024: Police para Saturday din te koishe ki, Sixteen Banduk hatiar nishina mob khan para choe kurishe koishe Ukhrul laga Police Station para. Hoilebi etu khan sob wapas paishe koishe. Inspector General (Operations) IK Muivah para press conference te koishe ki. October 2 te duita bosti majo te jamala ula homoi te. Mob manu khan Ukhrul laga Police Station te jushi kina 20 hatiar banduk cho kurishe koishe. Aru tai para koishe ki. Security forces, Civil Society Organisations aru Community Leaders khan milikina, 80 per cent nishina Hatiar toh wapas paishe. Etu hatiar wapas pa majo te 9mm pistols, INSAS Rifles aru AK-47 Rifles khan thakhishe. Etu duita bosti ke bhal para sai thakhishe. Etu jamala toh district te under control te anidishe, security forces khan, Manipur rifles, Assam rifles aru BSF khan sob mili kina. October 2 te. Charta manu nishina murishe koishe aru 20 manu nishina jokhum hoishe koishe. Etu duita bosti majo hatiar banduk para larai kurea homoi te. Etu khan sob Swachhata Abhiyan karne mati sapha kurea time te jakara olai kina. Jamala ula pichete, Prohibitory orders aru mobile internet service khan sob bon kuri dishe town te.