Manipur: Police para charta Militants ke arrest kurishe

Imphal, February 21, 2026: Manipur Police aru Security forces khan mili kina operation kurishe koishe. Imphal West, Imphal East aru Bishnupur District khan te. Yete para taikhan 3da militants ke arrest kurishe koishe. Aru alak operation toh Kakching District te kurishe. Yete taikhan para banduk aru Guli khan paishe. Officials khan para koishe ki. Etu operation toh manu khan ke damki dikina poisa loa khan ke rukhabole nimete ase koishe.
Duita militants toh RPF/PLA laga ase koishe. Taikhan ke February 19 din te durishe alak alak jaga para. Thounaojam Prempatra Singh (31) toh Khurai Thangjam Leikai para ase. Taike Imphal West District laga Singjamei Chinga Makha para durishe koishe. Aru Tharoijam Tony Singh (32) rtoh Khurai Thoudam Leikai para ase. Taike Imphal East District para durishe. Police khan taikhan laga haat para ekta 9mm Pistol aru Magazine, charta 9mm guli, ekta Honda Activa Scooter, duita mobile, ekta bag aru Duita wallet paishe koishe.
Alak operation toh eki din te kurishe. Yete security para PREPAK laga member Ningthoujam Kennedy (41) ke arrest kurishe. Tai toh Moirangkampu Mayai Leikai para ase koishe. Aru taike Imphal East District laga Khewa Bazar para durishe. Tai laga haat para Mobile phone aru Aadhaar card paishe koishe.
Alak operation te UPPK laga Khoisnam Morendrajit Singh (42) ke durishe. Tai toh Imphal West District laga Langjing Achouba Mamang Leikai para ase. Taike Bishnupur District laga Malom Tulihal Makha Leikai para durishe koishe.