Imphal, September 26, 2025: September 25 din te. Manipur Police khan para operation kurishe koishe. Aru yete 38 saal manu laga haat para. Drugs paishe koishe. Etu toh Imphal laga East District te ase.
Etu manu toh Meisnam Geetchandra ase. Aru tai toh Khurai Konsam Leikai para ase koishe. Aru taike Khurai Sajor Leikai para durishe koishe. Etu toh Porompat Police Station laga bitor te ase koishe.
Aru hamla kurea homoi te Police khan para 23,304 Tramadol Tablets paishe, 1,390 Nitrapal Tablets aru 1,383 Bercodex Syrup laga Bottles khan paishe koishe. Police para koishe ki. Etu durea toh State te bia kaam kurea khan ke rukhabole. Ekta agea kadam jaishe koishe.
Officials khan parabi janai dishe ki. Etu manu toh Police khan laga haat te ase. Aru etea Investigation khan kurea ase koishe.
Add Comment