Manipur police para six betor manu dureshe

Imphal, December 14, 2025: Manipur police khan Imphal West aro Imphal East district laga alak alak jaga te operations kureshe December 13 te. Etu operations khan te tai khan six betor manu dureshe. Aro bonduk, guli aro khota kurebole laga machines khan dureshe. Sobse dangor durei toh Canchipur area, Imphal West district te thakeshe. Tateh tai khan PREPAK (PRO) laga duata extortionist dureshe. Durei khan laga nam toh Kshetrimayum Abinah Singh, 21 sal, tai toh Kakching Thonglan Pareng, Kaching district para ase koishe. Aro alak manu laga nam toh Rajkumar Daniel Singh, 31 sal, tai toh Kwakeithel Thokchom Leikai, Imphal West para ase koishe. Security forces khan 9mm pistol paishe. Aro bonduk laga magazine toh guli para borta thakeshe koishe. .38 laga duata guli, tinta mobile phone aro ekta bike paishe tai khan laga hath para. Aro utu din te he, duata maiki kun UNLF (Koireng) laga member ase dureshe. Tai jun ke Moirangkampu Sajeb makha Leikai, Imphal East district te dureshe koishe. Ekta laga nam toh Takhellambam Sanathoi Chanu, 19 sal, tai toh Tumukhong Awang Leikai para ase koishe. Aro alak laga nam toh Kongbrailaikpam Rameshori Devi ase, 19 sal, tai toh durei jaga laga manu ase koishe. Tai jun laga hath para duata phone paishe koishe. Aro alak operation te UNLF (P) laga ekta extortionist dureshe Lanphel Super Market, Imphal West District te para. Tai laga nam toh Karam Manikanta Singh, 46 sal ase koishe. Tai toh Lamboikhongnagkhong para ase koishe.