Imphal, September 11, 2026: Wednesday din te. Manipur te Security Forces khan para PREPAK laga group member ke arrest kurishe koishe.Etu manu toh Pukhrambam Diamond Singh ase koishe. Aru tai toh 33 saal ase. Tai toh Bishnupur District laga Bishnupur Awang Leikai Ward No.1 te thakhea manu ase koishe.
Officials khan laga khobor hisab te. Singh ke Tera Urak Crossing Checkpoint para durishe koise. Etu toh Bishnupur Police Station laga bitor te ase koishe. Tai toh Imphal East Jaga khan te. General Public, Local traders aru Dukan malik khan ke damki dikina poisa mangi thakhishe koishe. Aru tai ke durea homoi te. Tai laga haat para Mobile Phone paishe koishe.
Aru Security Forces khan para alak alak district khan bisarea laga operations khan toh uthai dishe koishe. Aru taikhan para janai dishe ki. Taikhan Nh-37 Laga rasta te 71 gari nsihina saman bukhea khan ke aram para jabole dishe koishe.
