IMPHAL, April 25, 2019: Wednesday din Imphal district laga 10 ta polling station polling luwa time suspect kura BJP workers khan para duita polling station laga bahar te repolling luwa jaka te CPI workers khan uporte hamlaa kurishe .
Etu hamlaa te kunba CPI workers khan eman biya para jhokom huwanai Andro Assembly segment aro Keirao Assembly segment laga polling station osorte hamlaa kura time te .
Khobor hisaab te kunba CPI workers khan kun Andro Assembly segment laga duita polling station te polling process sabole jaa toh tai khan uporte BJP workers khan para hamlaa kurishe ekta polling station te napuncha akhe te .
Tai khan berai thaka gaari te hamlaa nakura akhe te Etu group khan para laathi aro pathor khan chulaikena tai khan uporte hamlaa kurishe
Bishi bak maiki aro juwan manu khan koishe ki CPI(M) workers khan ahikena voting process time te dikdaar di thakishe thik thak jaa time te .Etu allegation CPI workers khan kurishe koikena mananai.
Tai khan CPI candidate Dr M Nara Singh kun repolls huwa jaka laga polling stations te sabole jaishe .Etu repolls toh Imphal East district laga 10s ta stations te huwa ase .
Etu sob repoll huwa 12 polling stations luwa toh Imphal East district laga jaka khan ase .
Aro ekta poll related hadsaa te ekta CPI laga inner agent tai logote thaka manu kun etu inner agent ke punchabole jaa time te gaari para suspected BJP workers khan laga group para Keirao Assembly segment polling station napuncha akhe te hamlaa hoishe .
Add Comment