Manipur: Rs 50 aro Rs 100 stamp kagos komti ho toh, legal transitions khan te duk dea ase

Imphal, February 1, 2026: Manipur te non-judicial stamp laga kagos khan beshe komti hoi she koi she. Beshe pabole dik dar ho toh Rs 50 aro Rs 100 laga toh ase koi she. January 2026 para shuru hoi she, etu komti ho toh, etu napa karne legal, property aro administrative transactions khan te duk pa ase aro thik para kam krue bole napa re kena ase state te. Etu stamp laga kagos komti ho toh, state laga manu khan rent agreements para property sales khan be kure bole napa re kena ase. Aro students khan ke duk dea ase, tai khan laga scholarship aro affidavits khan apply kure bole duk pa ase. Enia komti ho toh, back market khan ola shuru hoi ja ase. Non-judicial stamp papers Rs 50 aro Rs 100 laga toh court laga bahar osor khan te pa shuru ho ase, rasta te dukan kurea khan laga hath te be pa ase koi she, beshe dam para beka ase koi she, Rs 50 laga Rs 500 para dea ase aro Rs 100 laga Rs 1000 para beka ase koi she.