Manipur: Rs 8.5 Crore laga Heroin durishe. Duijun ke arrest

Imphal, April 29, 2026: Officials khan para April 28 din te koishe ki. Security Forces khan para Manipur laga Churachandpur District para. Rs 8.5 Crore laga Heroin drugs durishe koishe.
Etu operation toh The Narcotics Control Bureau (NCB), Assam Rifles aru Manipur Police khan sob mili kina kurishe koishe. Etu toh District laga dur jaga Khuakhual te ase koise. Yete khobor pai kina tarika kurishe. Yete taikhan para gari ekta aru Scooter ekta ke rukhaishe koishe Operation kurea homoi te. Aru bisarea pichete. Taikhan para 374 sabun daba paishe. Yete bitor te heroin drugs thakhishe koishe. Etu toh 4.267 kg laga thakhishe koishe.
Yete Churachandpur District para duita manu ke arrest kurishe koishe. Officials khan parabi koishe ki. Duita wireless communication sets bi paishe koishe. Aru Investigation kurea homoi te. Etu saman khan toh Myanmar laga Haichin para pathai laga ase koishe. Aru yete Churachandpur te punchishe koishe.