Imphal, December 28 : Manipur laga sarkar para Manipur sarkar laga Chief Minister Hakshelgi Tengbang (CMHT) scheme laga faida utha chalak fraud kora manu khan ke taikhan laga card surrender kuribole warning disey. Etu scheme te Antyodaya Anna Yojana (AAY), vidwa aro haath theng gao khan thik nathaka manu khan nimitey asey.
Bisi sakari kaam kora manu khan aro poverty line(goribi rekha) laga opor te thaka manu khan tu bar bar sarkar para enaka dangor subidha pa laga faida uthai asey.
Etu laga connection te, rajya laga health department para announce kurisey ki kun fraud kora manu khan para direct nohoilebi indirect para sobsey gorib manu khan nimitey diya subidha laga faida uthai asey taikhan tu 2023 laga December moina khoom nuhuwa ageyte taikhan laga card tu surrender kuridibo lagey.
Enrl hoikina thaka hospital khan te etu CMHT-Manipur Health card dikina, ekjun manu para etu hospital khan te eku poisa payment nukurikina ek sala te Rs 5 lakh tak laga ilaj kuribo parey.
Etu CMHT scheme laga beneficiary khan tu AAY, mota murija maiki khan aro gao thik thak nathaka manu khan asey.
Etu homoitey, sarkar para Manipur te beneficiary khan ke January 2024 para loikina 2028 tak hodai moina nurukhikina free Pradhan Mantri Garib Kalyan Anna Yojana (PM- GKAY chawl bhak kuribole laga kadam uthaisey.
India laga 9ta Food Corporation of India (FCI) office te pura puri 45,410 million tone chawl stock kurikina rakhikina asey taki Manipur te 4 moina nimitey free ration dibole paribo.
Add Comment