Imphal, October 31 : Tuesday (October 31) te, 11 am te Manipur laga Chief Minister N Biren Singh laga office te Cabinet laga ekta emergency meeting rakhisey kuntu te Moreh laga SDPO, MPS, Chingtham Anand Kumar ke moraidiya picheyte rajya te ola kanoon aro beybosta laga situation te discussion kurisey.
Etu majotey Manipur Cabinet para October 31, 2023 te luwa ekta emergency meeting te, World Kuki-Zo Intellectual Council (WKZIC) ke Unlawful Activities (Prevention) Act, 1967 laga section 3 under te ekta gair kanooni organization declare kurisey.
Dusra fale, Cabinet para bi etu jurum kora mujrim khan ke arrest kuribole aro etu mujrim khan arrest kuribole nimitey Moreh aro etu laga osor te thaka area khan te ekta joint operation launch kuribole direction disey aro mujrim khan arrest nuhuwa tak etu continue kuribole koisey.
Cabinet para etu kotha te bi jor disey ki etu jati laga majotey larayi jhagra huwa te duita side para bi nijor ke control kurikina rakhi asey aro juwa ek moina adha para dui moina tak taikhan shanty maintain kurikina rakhi asey.
Add Comment