Manipur, April 5, 2025: Manipur laga Bishnupur, Thoubal aru Imphal East Districts para Charta militants ke durishe. Secutiy forces khan alak alak operation kuri kina Durishe koishe. Taikhan toh duita group para ase koishe.
Duijun toh United National Liberation Front para ase koishe. Taikhan ke April 4, Bishnupur District laga Nambol para durishe koishe. Taikhan toh 47 saal muta te jobor jos loijai kina durishe koishe. Etu muta toh Laitonjam Dilip Singh ase koishe.
Operation homoi te, Police khan para UNLF Group ke arrest kurishe. Etu duijun toh Khundrakpam Rakesj Singh (30) aru Khundrakpam Charles (25) ase. Taikhan laga haat para Bolero Gari, 3da Mobile Hnadsets, Rs 4,500 aru Voter ID khan paishe koishe.
Aru April 4, laga operation te. Security Forces khan para ekta PWG group ke durishe. Tai toh Ahongsangbam Naobi Singh (42) ase koishe. Aru tai toh Thoubal laga Kheba Ching para ase koishe. Tai toh Khongjom te manu ke damki dikina poisa khan mangi thakhishe koishe. Tai laga haat para Pistol ekta, mobile phone aru Duita sim aru bike ekta paishe koishe.
Aru security khan parabi alak KCP (PWG) group ekjun ke arrest kurishe. Tai toh Maibam Tomba Singh (42) ase koishe. Tai toh Khurai Laishram Leikai te thakhea ase koishe Thoubal te. Tai laga haat parabi, Pistol aru Magazine aru guli bi paishe koishe.
Add Comment