Imphal, November 17, 2025: November 16 din te. Manipur pura te. Security Forces khan para mili kina operation khan kurishe koishe. Aru yete taikhan 3da Militants ke arrest kuribole parishe koishe. Tai toh alak alak group khan para ase koishe. Aru taikhan laga haat parabi Hatiar khan paishe koishe.
First Operation te. Security Forces khan para Imphal West laga Lairensajik Mamang Leikai para. Khuraijam Shyam Singh ke durishe koishe. Etu toh tai nijor laga ghor para durishe. Tai toh 37 saal ase. Aru tai toh Valley region khan te. Manu khan ke damki dikina poisa mangi thakhishe koishe. Yete tai laga haat para ekta mobile paishe.
Alak operation te. Forces khan para Nongmaithem Bidyasagar Singh (24) ke arrest kurishe koishe. Etu toh Imphal West laga Khumbong Awang Leikai te ase koishe. Tai bi manu khan ke damki dikina poisa mangi thakhishe koishe. Aru tata gari khan kebi poisa mangea koishe. Jiribam para Imphal ja laga rasta khan te.
Aru ekta operation te. Manipur Police, CRPF aru Assam Rifles khan sob mil kina RPF/PLA laga group member ke arrest kurishe koishe. Tai toh Koijam Ibochouba ase koishe. Tai toh 45 saal ase. Taike Sagolband Nepra Menjor Leikai laga rentghor para durishe koishe. Aru Security Forces khan alak operation toh Kakching District te kurishe.Yete taikhan Banduk khan aru banduk laga guli, Bomb khan bi paishe koishe.
Add Comment