Imphal, September 29, 2025: Yete mili kina operation kurea te. Security Forces khan Manipur para 3da Militants ke arrest kurishe koishe. Taikhan toh alak alak group para ase koishe. Etu toh September 25 aru 26 din te durishe koishe.
September 26 din te. RPF/PLA laga Group member. Khangembam Thoiba Singh (48) toh Bishnupur District laga Kumbi Setupur Ward No. 2 para ase koishe. Taike Bishnupur Police Station laga Tera Urak Check Point para durishe koishe. Khobor hisab te. Tai toh Bishnupur District te khobor khan jama kuri thakhishe koishe. Yete Security khan aha ja kurea lagate. Tai laga haat para Ekta Mobile Phone aru Sim card paishe koishe.
Etu eki din laga alak operation te. Security khan para Konthoujam Opendro Singh (52) ke arrest kurishe koishe Imphal east para. Tai toh KYKL laga Group member ase koishe. Aru Tai toh Imphal West District laga Mongsangei Awang Leikai para ase koishe. Tai toh Government Schools, Yete Manipur University, Industrial Department aru alak Schools khan ke damkidikina Poisa mangi thakhishe koishe.
Aru September 25 din te. Security Forces khan para Ningthoukhongjam Robichand Meitei (25) ke durishe koishe. Tai toh KCP laga group member ase koishe. Taike Imphal East laga Sawombung Bazar para durishe koishe.
Add Comment