Imphal, September 15, 2025: Manipur laga Security Forces khan para yete pasta militants ke arrest kurishe koishe. Etu toh Imphal East, Thoubal aru Bishnupur Districts khan te operation kuri kina.
Yete KYKL laga group member duita ke arrest kurishe koishe. Etu toh Imphal East District laga Laikhong para durishe koishe. Aru etu toh Thoubal Dam Police Station laga bitor te ase koishe. Etu manu toh Sagolshem Lalit Meitei (36) ase. Tai toh Mamang Leikai para ase. Aru alak wala toh Ahingshangbam Tomba Singh ase koishe. Tai toh Itham Wangma Leikai para ase koishe.
Aru alak operation te. Khumukchan Abosana Singh (24) toh KCP laga group member ke arrest kurishe. Taike Imphal East laga Kongpal Chingangbam Leikai para durishe koishe.
Security Forces khan parabi Meisnam Manglemnganba Leitei ke durishe koishe. Aru Naotomba (27) kebi. Tai duijun toh RPF/PLA laga group member ase koishe. Tai duijun toh manu ke damki dikina poisa mangi thakhi thakhishe koishe. Taikhan duijun laga haat para Mobile Phone, SIM Card, Aadhaar Card, PAN Card, Voter ID Card aru Poisa laga bag paishe koishe.
Add Comment