Imphal, April 23, 2026: April 22, Wednesday din te. Officials khan para koishe ki. Manipur te Security Forces khan para 6 bunkers bia kurishe, Banduk aru Bomb khan paishe koishe. Etu toh duita din bitor te. Kangpokpi aru Tengnoupal Districts te ase koishe.
Yete April 22 din te. Security teams khan para Kangpokpi District te 6 illgeal bunkers bia kurishe koishe. Etu bunkers khan toh Tingpibung Bosti te duita bunkers, Lungter Hill te 3da bunkers aru Leplen Bosti te ekta bunkers khan bia kurishe koishe. Operation Kurea homoi te. Security khan para 7.62 mm guli laga 12 khali daba paishe koishe.
Aru alak operation toh April 21 din te kurishe koishe. Etu toh Indo-Myanmar Boder laga Pillars 72 aru 73 te kurishe koishe. Etu toh Tengnoupal District laga Moreh te ase. Yete taikhan para ekta AK-47 rifle aru Magazine, Ekta Carime aru magazine, Charta Bomb aru Duita Motorola Radio paishe koishe.
Add Comment