Imphal, January 5, 2026: January 3 aru 4, 2026 homoi te. Manipur Security Forces khan mili kina operation kurishe koishe. Yete taikhan para banduk aru bomb khan paishe koishe.
January 4 din te. Imphal East District laga Yairipok Top Ningthounai Lai Ching te. Security khan para banduk paishe. Yete Ekta SLR aru Magazine, Single Barrel Banduk, 9mm Pistol aru Magazine, .32 Pistol aru Magazine, .32 Automatic Pistol aru Duita magazine, duita IRDs, Duita No.36 Hand Grenades, Chinese para bana laga hand grenade aru 37 guli nishina paishe koishe. Yete alak saman khan toh Raincoat, Sleeping bag aru tent paishe koishe.
January 3 din te. Churachandpur District laga Lanchingmanbi, Chingphei Bosti te. Forces khan para rocket laga bomb 100 kg paishe koishe. Yete Telescopic daylight Scope laga sniper banduk, duta country para bana laga SBBLs, 9mm Pistol aru Magazine, 7.62 MM laga pasta guli, 12-Bore Cartridges laga 10 guli aru IED Bomb 3 kg laga paishe koishe.
Aru January 4 din te arrest kura khan toh. Laishram Kullabi Meitei (35) ase koishe. Taitoh RPF/PLA laga Group member ase. Taike Impal West laga Liwa Road Kha Maibam Leikai para durishe koishe. Yete tai laga haat para duita phone paishe koishe.
Add Comment