Imphal, January 22, 2026: January 20 din te. Manipur te Security Forces khan para mili kina operation kurishe koishe. Yete taikhan Imphal East aru Imphal West kan te kurishe. Aru yete Charta Militants ke arrest kurishe koishe.
Yete PREPAK laga Kangjam Milan Meitei ke durishe. Tai toh 33 saal ase. Tai toh Kakching District laga Sekmaijin Khunou Kangjam para ase. Taike nijor laga ghor para durishe. Tai laga haat para phone paishe.
Alak operation te. Security Forces khan para Senjam Bosco Metei (25) ke durishe. Tai toh KCP laga group member ase. Tai toh Nongren Mamang Leikai para ase. Taike Imphal East District para durishe. Tai laga haat para phone paishe.
Aru security khan para NSCN (IM) laga Lanhungba Khumba (29) ke durishe koishe. Taike Imphal East District laga Mantripukhri para durishe. Tai laga haat para .32 Pistol aru Magazine paishe. Yete Pasta pasta guli bi thakhishe koishe. Aru kala bike aru duita phone bi paishe koishe.
Aru alak te KCP laga Leishangthem Hiran Singh (40) ke durishe koishe. Taike Imphal West District laga Koutruk Ching Leikai para durishe. Tai laga haat para mobile phone aru Aadhaar card bi paishe koishe. Etu manu khan toh sobi manu khan ke damki dikina poisa mangi thakhishe koishe.
Add Comment