Manipur, March 14, 2025: Security Forces khan para Manipur te Charta Militants ke arrest kurishe koishe alak alak operation te, taikhan toh Imphal Valley te thakhea laga alak alak group para ase koishe.
March 13 din te, Police khan para People’s Liberation Army (PLA) laga ekta cadre ke durishe koishe, tai toh maiki ase koishe, aru taikhan Imphal West District laga Sagolband Sayang Kurao Makhong para durishe koishe. Arrest kurea lagan am toh Thokchom Ongbi Anita Devi asekoishe, tai toh 46 saal ase koishe. tai laga haat para Police khan Pistol aru Magazine, 33 guli, aru Poisa Rs 5000, Sim Card aru CHoita Mobile paishe koishe.
Aru etu eki din laga alak operation te, Security khan para ekta United Nationak Liberation Front (UNLF K) laga cadre ke arrest kurishe koishe. Taike Tengnoupal laga BP 85 aru BP 86 para durishe koishe. Etu manu tooh Moirangtham Ricky Singh ase koishe, aru tai toh 22 saal ase, tai toh Imphal East laga Khurai Chairenthong te thakhea manu ase koishe.
Aru March 12 din tebi, Manipur Police khan para Yumnam Premjit Meitei ke arrest kurishe koishe, tai toh 54 saal ase. Taike tai laga Ghor para arrest kurishe koishe, Imphal West laga Kakwa Laiphrakpam Leikai para. Tai toh Kakwa Asem Leikai laga Furniture dukan te, Kuri bukhea laga gari khan ke poisa mangi thakhishe koishe, KCP (Apunba) Nimete.
Aru etu laga eki din, Police khan para People’s Revolutionary Party of Kangleipak (PREPAK) laga cadre ke arrest kurishe koishe, tai toh Laishram Bishorjit Metei ase, aru tai toh 33 saal ase koishe, tai toh Kakching District laga Sekmaijin Mayai Leikai te takhea manu ase. Ti toh District laga General Public manu khan ke damki dikina poisa mangi thakhishe koishe.
Add Comment