Manipur, January 17, 2025: Security Forces khan para Churachandpur laga Mata Bosti para, Gari ekta ke rukhai kina Saman khan durishe koishe. Yete etu laga homoi te, Duijun ke arrest kurishe koishe.
January 16 din te, Security khan para Gari ekta ke rukhaishe, aru taikhan laga gari te para, 208 sabun laga dab ate, Brown Sugar toh durishe koishe, aru 1,73,000 nishina WY/Yaba Tablets toh paishe koishe, aru Poisa bi Rs 3,37,500 nishina durishe koishe.
Yete Arrest kurea laga nam toh Chingsen ase koishe, aru tai toh 36 saal ase. Aru alak wala toh Pausuanlal Simte ase koishe, aru tai toh 38 saal ase koishe.
Yete arrest kurea loi kina, Security Forces khan para case toh dali dishe koishe. Aru etu laga jamala te ahibole laga homoi nimete tarika khan kurea ase koishe.
Ageate bi Manipur Police khan para January 14 din te, Duita Banned Kangleipak Communist Party (KCP) group para ahea laga ke durishe koishe. Etu operation toh Imphal West District, Uripok Mayai Leikai laga Machang Bakery Dukan para durishe koishe. Etu duijun toh Imphal jaga laga dukan aru showrooms khan te damki dikina poisa khan mangi thakhishe koishe.
Add Comment