Imphal, February 17, 2026: Manipur te security forces khan para pasta betor manu ke dure she, tai khan bea dawai khan beka suspect ase, secuirty forces khan dua din laga operation kurea homoi tai khan ke dure she. Tai khan laga hath te para 400 grams laga bhal quality heroin pai she, aro bunduk aro gule be pai she koi she.
February 15 te, secuirty forces khan para 42 sal Md. Jayad Khan ke dure she Sangaiyumphan Part-II Cherapur te, kunto Thoubal Police station laga betor te ahea. Khobor pa kena, security forces khan tai laga ghor raid kure she, aro dosta sabon laga daba pai she, etu laga betor te heroin pai she, 397 grams laga. Aro secuirty forces khan single barrel bunduk, choita gule, ekta bike be pai she.
February 16 te, secuirty forces khan Kangleipak Communist party (Noyon faction) laga ekta member ke dure she, Sawombung te para, kunto Lamlai Police Station laga betor te ahea. Tai laga nam toh Phijam Rainson Singh ase koi she, ai toh 29 sal ase, aro Pungdongbam Mayai Leikai te buheakoi she. Aro utu din te he, alak ekta operation te, KCP (Apunda faction) laga ekta member dure she, Taothong Khunou osor te para, kunto Lamshang Police Station laga betor te ahea. Tai laga nam toh Sanasam Rozy Devi ase, tai toh 26 sal ase koi she, aro tai toh Phumlou Mamang Leikai te buhea koi she.
Add Comment