Imphal, February 12, 2026: February 11, 2026 din te. Manipur laga Imphal West District para Security Forces khan duita KCP laga Group member ke arrest kurishe koishe. Tai duijun toh Region te manu khan damki dikina poisa mangi thakhishe koishe.
Yete para authorities khan ke khobor punchi kina durishe koishe. Etu operation toh local manu aru law khan rakhibole karne kurishe koishe campaign laga tarika para. Etu arrest khan toh thik babi kina kurishe koishe. Yete taikhan duijun ke polabole bi chance pa nai koishe.
Etu arrest kurea manu toh Thangjam Goutam Singh (19) aru Diamonf Chingshubam (24) ase koishe. Tai duijun bi Imphal West laga Khabi Mamang Leikai te thakhea manu ase koishe. Etu arrest khan toh nijor nijor laga ghor para durishe koishe phuzur te. Yete ghor bisarea homoi te family members khan bi thakhishe koishe. Operation kurea homoi te Royal enfield Meteor Bike bi uthai loishe koishe.
Add Comment