Manipur, February 22, 2025: February 20 din te, Manipur Police khan para duita active militants ke arrest kurishe koishe, aru Duijun bi alak alak group para asekoishe.
Imphal East District laga, Chiingyang Lairendi Ima Keithel, Ngariyan Ching laga osor Andro-PS bitor te, ekta active cadre, United Nationa Liberation Front (UNLF-P) ke arrest kurishe koishe.
Etu manu toh Hemam Bebeshwor Singh ase koishe, aru tai toh 30 saal ase koishe, tai toh genral public manu, Government officials, Private Firms aru alak manu khan ke damki dikina poisa mangi thakhishe koishe. Yete tai laga haat para ekta bagpack, camouflage combat kapara, ekta military laga juta boots, duita mobile phones aru ekta wallet paishe koishe.
Aru alak operation te Security khan para ekta active cadre, Kangleipak Communist Party (KCP-City Meitei) ke arrest kurishe koishe. Bishnupur District laga, Bishnupur-PS bitor Nagaikhong Khullen, Ibudhou Khonghaba Thangjing Laikon para durishe koishe.
Etu manu toh Khaidem Benarrjit Singh ase koishe, aru tai toh 28 saal ase, tai laga haat para Duita mobile phones aru ekta Aadhaar Card bi paishe koishe.
Add Comment