Imphal, February 18, 2026: Manipur te Security Forces khan para banduk aru bomb khan paishe koishe. Etu toh Imphal West District te ase. Yete alak operation te taikhan para Ukhrul District te. Bunkers khan bia kurishe.
Yete mili kina operation kurishe koishe. State aga vulnerable zones khan te. Aru February 17 din te. Security Forces khan Imphal West District laga Ngairangbam Tanoukhul Rasta, longa Koireng te Operation kurishe koishe. Aru Forces khan para banduk aru Bomb khan paishe. Etu saman khan to Ekta Double-Barrel Banduk, Ekta Pistol aru Magazine, alak alak guli laga 181 nishina paishe. 3da Magazine, No.36 laga Hand Grenade duita, Ekta Detonator, Ekta Boafeng wireless handset aru charger paishe koishe.
February 12 din te. Security Forces khan Ukhrul District laga Mongkot Chepu te Charta Bunkers bia kurishe koishe. Operation kurea homoi te. 24 mari dea laga guli paishe koishe. Authorities khan shak ase ki. Etu bunkers khan toh Armed Groups para Chula laga ase. Hoilebi yete Banduk aru Bomb khan pa te. Taikhan para Investigation kurea suru hoi ase koishe.
Add Comment