Imphal, June 22, 2026: June 20 din te. Security Forces aru Manipur Police khan para Manipur laga alak alak jagate operation kurishe koishe. Yete para taikhan 3da manu ke durishe koishe.
Ekta operation te. Security khan para KCP laga member ke durishe. Tai toh TRhangmangjam Naoba Singh (31) ase koishe. Tai toh Imphal West District ;aga Mayang Langjing Tamang para ase koishe. Taike tai nijor laga ghor para durishe. Etu toh Lamsang Police Station bitor te ase.
Eki din laga alak operation te. Manipur Police khan para PREPAK member ke durishe. Tai toh Konjengbam Diliver Singh (27) asekoishe. Tai toh Imphal East District laga Lousangkhong Makha Leikai te thakhea manu ase koishe. Tai ke Imphal West District laga Imphal International Airport para durishe koishe.
Aru alak operation te. Security Khan para Khundrakpam Seitabahon Singh (47) ke durishe koishe. Tai toh Imphal West District laga Uripok Laikhurembi Leikai te thakhea manu ase Aru taike Imphal West District laga Langol Leima Khullen Leikai para durishe koishe. Operation kurea homoi te. Security khan duita .32 calibre pistols aru Magazine, aru Guli laga dab ate .32 calibre laga 14 guli paishe koishe.
