Manipur, February 2, 2025: February 1 din te, Manipur Security Forces khan para ekta Kangleipak Communist Party (KCP- Taibanganba) ke arrest kurishe koishe, yete tai toh manu khan ke damki dishe , aru Kakching , Thoubal aru Imphal West Districts khan te manu ke kidnapping khan kurea nimete.
Yete etu man toh Leisangthem Rajesh Singh ase koishe, aru tai toh 30 saalase koishe, taike Kakching District laga Langmeidong Mamang Awang Leikai jaga, Waikhong-PS laga bitor para durishe koishe.
Yete tai laga haat oara kunba saman durea khan toh, 3da mobile phones, ekta PAN Card, Ekta Aadhaar Card, Ekta Voter Card aru Wallet te Rs 2240 thakhi kina paishe koishe.
Aru alak operation tebi, Security khan para ekjun ke arrest kurishe koishe, tai toh National Revolutionary Front of Manipur (NRFM) laga member ase koishe. Tai toh Meitram Somorjit Singh ase koishe, aru tai toh 50 saal ase, aru February 1 din te taike, Khumbong Bazar laga Patsoi-PS bitor, Impahal West District para durishe koishe.
Tai laga haat para ekta .32 pistol aru magazine te duita 7.65m guli load kuri kina paishe koishe, pasta mobile handset, ekta Pan card, ekta Aadhaar Card, ekta Voter card, ekta Dribing License aru wallet te Rs 8,000 thakhi kina paishe koishe.
Add Comment