Imphal, November 2, 2025: Yete Mili kina Operation kurishe koishe Manipur te. Yete Securty Forces khan para banduk aru Militants khan kebi arrest kurishe koishe. Etu toh State laga alak alak district khan te ase koishe.
November 1 din te. Tarika kuri kina Security Forces khan para Luwangsangol aru Phaileng Bosti majote Bisarea laga operation kurishe koishe. Etu toh Kangpokpi District te ase koishe. Yete taikhan pasta local para bana laga banduk, 11 guli, duita Baofeng Wireless sets, 3da Combat laga juta aru sneakers, duita military belts aru jackets khan bi paishe koishe.
Etu laga eki din te. Security khan para PREPAK laga group member ke durishe koishe. Etu manu toh 28 saal laga Pebam Nikesh ase koishe. Tai toh Imphal West District laga Kwakeithel Mayai Koibi Ningthoujam lekai para ase koishe. Tai nijor laga ghor para durishe. Tai laga haat para ekta phone. duita Sim card. identification documents, Pan card aru Aadhaar card bi paishe koishe.
Aru October 31 din te. Duiya RPF/PLA laga group member ke durishe koishe. Taikhan toh Wangkhem Resshav Singh (22) toh Changangei Awang Leikai para ase. Taike Imphal West para durishe koishe. Aru Poireisana Yumnam (24) toh Top Awang Leikai para ase. Taiek Imphal East para durishe koishe.
Add Comment