Manipur: Security Forces khan para Poppy Ghas bia kurishe, Militants kebi arrest kurishe

Imphal, January 10, 2026: January 8 aru 9 din te. Manipur te Security Forces khan para mili kina operation kurishe koishe. Yete taikhan para poppy ghas bia kurishe, militants khan kebi arrest kurishe aru manu ke damki dea khan kebi arrest kurishe koishe. January 9 din te. Security Forces, Forest Department officials aru Executive Magistrate khan mili kina 40 Acres laga Illicit Poppy ghas bia kutishe koishe. Etu toh Senapati District laga Ngatan Hill Range te ase koishe. Operation kurea homoi te. Security khan para 11 kheti ghor, fertilizer, nimok, irrigation pipes, spray pumps aru alak saman khan bi pura bia kuri dishe koishe. Aru January 8 din te. Manipur Police aru Security Forces khan mili kina operation kurishe koishe. Yete taikhan para KCP laga group member Nandeibam Rosen Meiti (36) toh Imphal East District laga Yumnam Patlou Mamang Leikai para ase koishe. Taike Kongpal Chingangbam Leikai para durishe koishe. Aru etu eki din te. Security khan para RPF/PLA laga group member Wahengbam Bimal Meitei (26) ke arrest kurishe koishe. Taike Nagaram jaga para durishe. Tai toh Imphal West District laga Thangmeiband Lourang Purel Leikai para ase koishe.