Imphal, March 24, 2026: Manipur laga security forces khan para 26 betor manu ke dure she, kun Manipur laga alak alak betor group te para ase. Ja dua din te alak alak operations kurea homoi tai khan ke dure she. Etu operations khan te 18 sal betor bacha khan ke be dure she, bunduk khan be pai she, gare, puisa khan be pai she koi she.
Manipur police laga hesab te, March 23 te, secuirty forces khan para dosta betor manu ke dure she, tai khan PREPAK (RA) laga members khan ase koi she, etu te pas jun toh 18 sal betor he ase koi she. Tai khan ke Tengnoupal district te para dure she koi she. Authorities khan para koi she ki 18 sal betor khan ke toh Juvenile Justice Act hesab te para he ja bole ase.
Aro March 22 te, Thoubal district te, UNLF (K) group laga 14 members ke dure she, tai khan ke Haokhong area te dure she, kunto Nongpok Sekmai Police Station laga betor te ahea. Tai khan laga hath te para duata INSAS bunduk, 13 magazine, INSAS laga 100 gule, Rs 1 lakh cash, 12 mobile phones, aro charta bike pai she koi she.
Aro March 23 te, security forces khan para KCP (Apunba) laga ekta member ke dure she, tai laga nam Athokpam Bikramjit Singh ase koi she, tai laga ghor te para he dure she koi she Imphal East district te.
Add Comment