Imphal, April 3, 2025: Manipur Security Forces khan para 3da manu ke arrest kurishe. Yete Duita toh Militants ase koishe.
Etu Operation toh April 2 te suru kurishe. Aru MD. Faiju Rahaman (40) ke arrest kurishe. Tai laga haat para 12 Sabun daba, aru Brown Sugar 661.8 grams toh paishe. Ekta Gari bi paishe. Taike Bishnupur District laga Naranseina aru Sunusiphai Bosti majo te durishe. National Highway-2 te checking kurea homoi te.
Etu eki din te, Police khan para KCP group ekjun ke arrest kurishe. Imphal West District laga Leirak Macha para. Aru mobile phone, duita Sim aru Aadhaar Card paishe koishe. Etu manu toh Khoirom Deepsea Devi (33) ase koishe.
Aru alak operation te, Security khan para PLA group laga ekjun ke arrest kurishe. Etu toh Imphal East laga Sanjenbam Khullen para kurishe koishe. Tai toh Thounaojam Sachindra Singh (24) ase koishe. Tai toh Imphal te manu khan ke damki dikina poisa mangi thakhishe koishe.
Add Comment