Imphal, March 30, 2026: Officials khan para koishe ki. March 28 aru March 29 din te. Security Forces khan para Manipur te duita alak alak Anti-Nacotics Operation kurisher koishe. Yete taikhan 3da manu ke durishe koishe. Yete taikhan laga haat para Ganja aru Heroin drugs paishe koishe.
March 29 din te. Security khan para Sehkholien (52) ke arrest kurishe koishe. Tai toh Jiribam District laga Saikulphai Bosti te thakhea manu ase koishe. Aru taike Chotobekra aru Latingkhal laga majote durishe koishe. Operation kurea homoi te. Security Khan para 5.2 kg laga ganja paishe koishe. Aru tai laga Cooty bi uthai loishe koishe.
Aru March 28 din te. Security Force aru Narcotics Control Bureau (NCB) khan mili kina operation kurishe koishe. Yete taikhan DI Tata aru Scorpio gari ke rukhaishe koishe. Yete drivers khan laga nam toh Paumuanlian Tungnung (23) ase koishe. Tai toh Vaal Veng Bosti para ase. Aru Lianminthan Neihsial (26) toh Siakot laga Nazareth Bosti para ase koishe. Tai duijun kebi durishe koishe. Officials khan para koishe ki. Tai duijun laga haat para sob milai kina 207 sabun laga daba paishe koishe. Aru etu bitor te Heroin laga drugs thakhishe koishe. Aru etea officials khan duita cases tebi investigation khan kurea ase koishe.
Add Comment