Imphal, August 6, 2026: Wednesday din te. Security Forces khan para Manipur laga PREPAK member ke arrest kurishe koishe. Etu toh Imphal West District laga Singjamei para ase.
Etu arrest kurea manu toh Nahakpam Sibananda Singh (32) ase koishe. Tai toh Phouden Moirang Palli te thakhea manu ase koishe. Taike Singjamei Thongam Leikai para durishe. Tai toh militants laga uniform Chulai kina manu khan ke damki dikina poisa magi thakhishe. Security khan hisab te. Singh toh PREPAK group laga nam loi kina local business aru manu khan ke poisa mangi thakhishe koishe.
Aru security forces khan para tai logote thakhea. Deviya Mongjam (29) ke durishe koishe. Etu maiki toh Imphal West District laga Kwakeithel Nganapithong Mapal te thakhea manu ase koishe. Tai toh Singh ke modot kuri thakhishe koishe. Tai kebi tai laga ghor para durishe koishe. Aru bisarea homoi te. Security khan para duita mobile phone, Ipad aru Aadhaar card paishe. Officials khan para koishe ki. Tai etu electronics saman khan para dangor network toh duribole paribo nishina ase koishe. Aru etea investigation khan kurea suru hoishe koishe.
Manipur: Security Forces para PREPAK cadre ke durishe. Yete maiki bi thakhishe
