Manipur: Security Froces khan para Damki Dea Manu khan Ke Rukhaishe, 3da Arrest Kurishe

Manipur, January 24, 2025: Security Forces khan para Manipur te, Militants laga Group, 3da Members ke durishe koishe.

January 23, 2025 din te, Security Forces laga team khan mili  kina,  duita KCP (PWG) banned outfit khan ke arrest kurishe koishe, tai dujun laga anm toh Thokchom Luxmikanta Singh alias Hapu ase koishe, aru tai toh 28 saal ase koishe, aru alak wala toh Dinesh Thokchom alias Dos toh 23 saal ase koishe. Tai dujun toh Thoubal District laga Uningkhong para ase koishe, etu toh Khongjom Police Station laga bitor te ase koishe.

Yete etu duijun toh manu ke damki dea homoi te thik durishe koishe. Yete tai dujun laga haat para duita 9mm pistol aru magazines, 9mm laga pasta guli, 3da mobile handsets, Poisa Rs 10,000 aru ekta gari durishe koishe.

Aru alak operation te, January 22, 2025 din te, Manipur Police khan para KYKL cadre ke arrest kurishe koishe, tai laga nam toh Maibam Bronson Signh alias Thanboualias Ngamba ase koishe, aru tai toh 24 saal ase koishe. Tai toh Imphal West District laga Langol Type III para ase koishe, aru etu toh Lamphel Police Station laga bitor te ase koishe. Tai toh public manu khan ke aru dukan malik ke damki di kina poisa khan mangi thakhishe koishe.

Yete tai laga haat oara ekta Mobile handset aru SIM Card durishe koishe, ekta driving license aru ekta bike durishe koishe. Aru etea etu laga bitor te investigation khan jai ase koishe.