Imphal, December 19, 2025: December 17, Wednesday din te. Officials khan para koishe ki. Security Forces khan Ukhrul District Forest Department khan logote mili kina operation kurishe koishe. Aru Manipur laga Hill District te poppy ghas khan bia kurishe koishe.
December 17 din te. Mili kina operation kurishe koishe. Etu toh Ukhrul District laga LM Block, Yaolen Chepu aru Lamlai Chingphei khan te ase koishe. Operation kurea homoi te. taikhan para 140 Acres laga poppy ghas bia kurishe koishe. Aru yete 16 Kheti ghor bi bia kuri dishe koishe.
Authorities khan para koishe ki. Etu tarika toh region te drugs laga kaam khan rukhabole nimete kurea ase koishe. Aru alak Operation toh December 16 din te kurishe koishe. Yete Security Forces khan para SOREPA laga Group member ke arrest kurishe koishe. Etu toh Lamding Nashikhong Leikai laga jaga para. Etu tih Thoubal District te ase koishe. Etu manu toh Khundrakpam Bitanjit Meitei (31) ase koishe. Tai toh Thoubal District laga Heirok Part-II Laimayum te thakhea manu ase koishe. Tai laga haat para Phone logote SIM Card paishe koishe.
Add Comment