June 4, Imphal, 2025: Etea Manipur laga Hill aru Valley Districts khan te. Security Forces khan khobor pai kina Operation khan kurishe koishe. Yete Extortion laga kaam aru hatiar thakhea laga Group khan kebi bisarishe koishe.
Yete une 3 din te. Charta Chin Kuki Mizo Army (CKMA), a non-SoO group khan ke arrest kurishe koishe. Taikhna ke Rengkai laga Kerith Bosti para durishe. Etu toh Churachandpur Police Station laga bitor te ase koishe.
Etu manu khan toh Samuel Kamninhao, Hegun Seimingun, Thangminhou Touthang, aru Mangkhohao Touthang ase koishe. Taikhan bia tarika khan para Banduk hatiar khan bikai thakhishe. Manu khan ke bi banduk para damki dikina poisa khan mangi thakhishe koishe. Yete duita 9mm guli aru 3da Mobile Phones khan bi paishe koishe taikhan laga haat para.
Aru alak operation toh Wangoo Naral Samtak Hill te kurishe koishe. Etu toh Kakching District te ase koishe. Yete taikhan banduk laga guliaru banduk khan bi paishe. Yete INSAS aruSBBL rifles, grenades, IEDs, mortars, tactical gear aru kotha kuribole parea laga saman khan bi paishe koishe.
Police khan parabi Pura State te 111 Nakas check point khan dali dishe koishe. Etu toh Hill aru Valley Districts khan te. Aru yete etu check points para etea kun kebi durea nai koishe.
Add Comment