Manipur: Security khan para 5 ke arrest kurishe. Yete 4 toh militants ase

Imphal, March 7, 2026: Police khan paraMarch 7 din te koishe ki. Security forces khan para pasta manu ke arrest kurishe koishe. Aru yete charjun nishina khan toh alak alak group member ase koishe. Etu toh alak alak operation kuri kina durishe Manipur te.
Police khan laga hisab te. NRFM laga member ekjun ke Imphal International Airport para durishe March 6 din te. Aru alak operation te. Security khan para UNLF-P laga member aru tai laga assistant kebi durishe koishe. Etu toh tai laga ghor Imphal East District laga Khurai Sajor Lairou Pukri Mapal te ase. Tai laga haat para 9 mm laga pistol aru Magazine paishe.
Aru alak duita militants kebi durishe koishe. Etu toh Bishnupur laga District te. Etu toh Thursday din te thakhishe. Police khan para koishe ki. Taikan laga haat para HK-33 Rifle aru magazine, 38 guli aru 3da bomb laga device paishe koishe. Etu toh District laga Takmu Lakeside, Ithing Playground osor te ase koishe.