Manipur Security khan para 6 Arrest kurishe

May 4, 2025: Yete ja 3da din te. Manipur Security aru State Police khan mili kina Operation kurishe koishe. Security khan para bishi jun ke arrest kurishe koishe, narcotics saman bi paishe, banduk aru gari khan bi paishe  koishe. May 3 din te, Security Forces khan para Thianmuansiam Sampte (32)ke arrest kurishe koishe. Tai toh Gamgpimual Bosti laga ase , Churachandpur District laga. Aru 418 Sabun daba nsihina paishe koishe. Tate Brown Sugar 5 kg laga paishe. Yete International Market te Rs 48.7 Crore laga daam ase koishe. Yete Gari ekta, aru Mobile phone bi uthai loishe koishe. Aru May 2 din te. Manipur Police Khan para Konsam Romesh Meitei (46) Ke Arrest kurishe. Tai toh UNLF laga group member ase koishe. Taitoh Imphal East te thakhea. Tai toh Schools, Colleges, Businessess aru Government school khante damki dikina poisa mangi thakhishe. Tai laga haat para Gari bi uthai loishe koishe. Alak Operation te. Duita KCP laga Group Member- Yumkhaibam Sagir Khan (23) aru Salam Sadananda (27) ke arrest kurishe koishe. Taikhan bi Imphal laga Mayang khan te damki dikina poisa mangi thakhishe. Aru Police khan para alak duijun kebi arrest kurishe. April 29 din te. Imphal West para Leishangthem Ratan Meitei (50) aru Seram Arunjit Meitei (33) le arrest kurishe. Tai duijun laga haat para 274.8 kg Ganja durishe koishe.