Imphal, March 25, 2026: March 24 din te. Security Forces khan mili kina operation kurishe koishe. Yete State Police aru Security Forces khan kurishe koishe. Etu toh Manipur laga Hill Districts te. Yete para taikhan banduk aru guli khan bi paishe.
Manipur Police khan para Md Shanjit Khan (38) ke durishe. Tai toh Thoubal District laga Kabarastan Yairipok Bamon Leikai te thakhea manu ase. Taike Tengnoupal District laga Moreh border town para durishe. Officials khan laga hisab te. Tai ke bisari thakhishe koishe. Yete December 2025 te FIR dalea lagate. Etu toh Senapati Police Station te dalishe.
Aru etu laga eki din te. Security Forces khan para bisarea laga operation kurishe koishe. Etu toh Kangpokpi District laga Tingkhai Khullen aru Nepali Khutti te. Etu tohNew Keithelmanbi Police Station laga bitor te ase. Yete taikhan para bishi banduk, guli aru improvised hatiar khan bi paishe koishe. Yete pa saman khan toh Ekta 9mm carbine aru Magazine, Duita country para bana laga 9mm pistol aru charta magazine. Aru Country laga bana laga rifles. Yete 3da Single-Barrel Bolt-Action rifles aru Duita Single-Barrel Pull Mechanisam Rifles bi paishe koishe. Arubi taikhan para duita improvised Mortars bi paishe koishe. Yete taikhan 12-Bore cartridges guli, 55 alak alak calibres laga guli aru 2kg laga pellets khan bi paishe koishe.
Add Comment