IMPHAL , May 27, 2019 : Manipur laga badminton player Maisnam Meiraba Luwang pora All India Junior Ranking Badminton Tournament 2019 te pora aro alak U-19 boys’ single title pora title chitise.
Etu tournament te bishi badminton player khan samil dhakise aro Tamil Nadu Badminton Association khan pora Badminton Association of India laga under te May 23 pora 26 tok Chennai, Tamil Nadu te organize kura ase.
All India Junior Ranking Badminton Tournament 2019 toh Asia Junior Championships 2019 – July 20-28 tok China, Suzhow te dhakibole laga upcoming tournament karne Junior India Team khan laga selection tournament nishena ase.
National level tournaments laga U-19 Boys’ Single event te Meiraba laga third time kamiyab ase.
Sunday, Ranking Badminton Tourney laga finals te, Manipur laga ace shuttler pora delhi laga Aakash Yadav ke jokom pai kena na ola ake te lead dhakise. Nahoile toh Yadav jokom bowa somoy te Meiraba 21-9, 12-7 te leading te dhakise.
Meiraba pora semi final te Tamil Nadu laga Sathish Kumar ke khilaaf 21-13, 21-11pora chiti kena final te bonjise. quarter final te, tai pora Assam laga Imam Sonowal ke 24-22, 21-16 pora harai dise.
Meiraba pora Rajasthan laga Shubham Patel ke khilaaf te pohila round te 21-18, 21-13 pora olap phal dhakise aro etu biche te 21-8, 23-21 pora Haryana laga Bharat Raghav ke harai dise aro second aro third round te 21-11, 21-11 pora Maharashtra laga Rohan Gurbani laga khilaaf chitise.
Meiraba laga kamiyab pora alak toh, shuttler Dingku Singh Konthoujam pora bhi final te Maharashtra’s Ritika Thaker logot te milai kena Ishaan Bhatnagar aro Tanisha Crasto ke 21-18, 21-12 pora harai kena Mixed double title chiti kena Manipur ke kamiyab anise. Bhatnagar toh Punjab pora ashe aro Tanisha toh Telengana pora.
Kobal biya hoi kena Dingku Singh aro Kh Manjit Singh kbhi 18-19, 12-21 pora Ishaan Bhatnagar aro Vishnuvardhan Goud P logot te boys double competition laga final te harise.
Add Comment