Imphal, November 3, 2026: Manipur te, Taphou Kuki khan para duata Naga youth ke chare de she tai khan laga custody te para, Central Reserve Police Force (CRPF) aro Senapati Police khan case te kiwa kurea piche.
Utu duata youth laga nam toh PS Khopuh, tai toh Maram para ase, aro Joseph, tai toh Taphou Phyamai para ase, November 1 te bosti manu khan para tai jun ke dure she.
Reports laga hesab te, utu dua jun toh Taphou Kuki bosti phane jai thake she National highway-2 te para 9 pm phane. Tai jun mudu be khai kena thake she aro gari beshe fast cholai thake she, etu time te bosti manu khan para tai jun ke dure she.
F/152 Battalion, F/36 Battalion, D/169 Battalion aro Senapati police khan mele kena mamla toh thanda kure bole pare she.
