Manipur te 1 jun CBI Officer neshina kora thurishe

Imphal: Saturday din te Manipur, Churachandpur district te ek jun manuh para tai CBI officer neshina kam kora nemite police para thurishe koishe. Tai laga nam toh Thangjalen Haokip, 38 umer aro tai toh Gurgaon te garment store te kam kori thaka jowa lockdown kora nemite tai lagag ghor Gamnomjang te wabas ahishe. Tai para Additional SP (Investigation) CBI, fake ID, Delhi laga printed korikena manuh ke chokabo nemite thakishe koishe. Haokip ke Covid Village Task Force para khobor deya nemite Friday rathi police para Pearsonmun bosti para thurishe. Superintendent of Police, Amrita Sinha para PTI logot koishe ke, olop moina akhe para district te mesa laga CBI ekta ase koikena authorities logot khobor paikena thakishe. Etu nemite details khobor janiboli khobor loishe, tai para janaishe. Preliminary investigations kora khobor hesab te, puila te be Haokip toh Project Director (Sarva Sakshya Abhiyaan) neshina nam loikena besi manuh ke dukaikena ase, police para koishe. Churachandpur police station te alag-alag tuita(2) FIRs toh filed korikena ase, koikena Ms Sinha para janaishe.